19 oct 2025

Arturo Lezcano, xornalista e escritor: "Os portos da Coruña e Vigo deberían ter un tributo permanente á emigración en forma de centro cultural"

Arturo Lezcano (Ferrol, 1976) viaxou a Cuba, Arxentina, Uruguai, México, Brasil, Panamá, Venezuela e Estados Unidos para recoller historias reais da emigración. O xornalista e escritor quixo pór nome propio ás persoas que un día tiveron que deixar Galicia coa esperanza de volver, algo que logo non conseguiron. Esas vidas están agora recollidas no seu novo libro “O país invisible. A epopea atlántica da diáspora galega”, que presenta este martes na libraría Eixo de Ourense, ás 19,30 horas.