Comerciantes de Pereiró piden axuda á Xunta

O delegado da Xunta en Vigo, Ignacio López-Chaves, recibiu á Asociación de Comerciantes de Pereiró. A presidenta deste colectivo, Ángeles Álvarez Pereira, trasladoulle a súa inquietude polo estado no que se atopa a Avenida de Castrelos, no treito inicial da PO-330. López-Chaves referendou o compromiso do Goberno galego de urbanizar este tramo, de aproximadamente 500 metros, que condicionou á cesión dos terreos por parte do Concello vigués. “Estamos dispostos a executar o proxecto de mellora nesta travesía e financiar a totalidade da obra, pero para isto é necesario que o Concello responda ao noso requirimento de cesión”, apuntou.