O Kaleido Universidade perde ante o Campus Ourense nunha nefasta segunda metade e baixa á sétima praza
O Kaleido Universidade de Vigo perdeu onte de xeito claro na visita ó Campus Ourense de rugby nun enfrontamento que estivo marcado pola calidade do apertura Jason Harvey, que anotou catro ensaios para desbaratar calquera opción de vitoria da formación de Norm Maxwell.
O equipo da cidade da Burgas, adestrado polo ex do Vigo Rugby David Monreal, xuntou unha formación con varias incorporacións foráneas que destacan e moito na categoría. No primeiro tempo, os xogadores vigueses aguantaron o ritmo do partido co pé de Carlos Davila e dous ensaios, do propio Davila e de Mauro González. Deste xeito, ó intermedio chegouse cunha mínima renda para a formación local (19-18).
Non obstante, o equipo vigués desapareceu nos primeiros minutos da reanudación. Ata catro ensaios seguidos do Campus Ourense, que resolveron o partido en vintecinco minutos. Todos eles sen resposta dos xogadores dirixidos por Norm Maxwell.
Coa derrota asegurada, a formación viguesa tomou un último alento no treito final do enfrontamento para pousar o balón ovalado en dúas ocasións e, deste xeito, sumar un punto de 'bonus' por anotar catro ensaios.
Foi o mal menor dun encontro negativo ante un rival directo. Coa derrota, a formación viguesa perde posicións e baixa á sétima posición nunha zona media moi igualada con ata seis equipos en catro puntos. Tráfico denso na División de Honra B.
Campus Universitario Ourense:
Hernández, Moorby (Juan Rodríguez, min. 76), César García (Arceo, min. 60), Jack Fallon (Gil, min. 73), Rubén Rodríguez, Lalín, Jaime García (Santorum, min. 41), Abraham Martínez; Alonso, Harvey; Gascón (Comesaña, min. 74), Yago Rodríguez, Kottier, Moisés (Carlos Rodríguez, min. 62), Youman (Puga, min. 76).
Kaleido Universidade de Vigo:
Guimeráns (Acosta, min. 63), Salgado, Tatafu, Roberto Vázquez, Carlos López, Carlos Davila, Mauro González, Javi Abadía; David Ribeiro, Valentín Gutiérrez; Diego Davila, Caride, Barandiarán, Calvo, De Cabo (Crespo, min. 41).
Anotaciones:
0-3, min. 5: golpe de Carlos Davila; 7-3, min. 8: ensaio de Harvey, que pasa Kottier; 7-6, min. 18: golpe de Carlos Davila; 12-6, min. 22: ensaio de Moisés; 12-11, min. 25: ensaio de Carlos Davila; 12-18, min. 31: ensaio de Mauro González, que pasa Carlos Davila; 19-18, min. 37: ensaio de Harvey, que pasa Kottier; 26-18, min. 47: ensaio de Harvey, que pasa Kottier; 33-18, min. 53: ensaio de Moorby, que pasa Kottier; 40-18, min. 61: ensaio de Santorum, que pasa Kottier; 47-18, min. 65: ensaio e transformación de Kottier; 47-23, min. 71: ensaio de Javi Abadía; 54-23, ensaio de Harvey, que pasa Kottier; 54-30, min. 74: ensaio de Valentín Gutiérrez, que pasa Carlos Davila.
Árbitro:
García-Mon. Expulsións temporais de dez minutos a Jaime García (min. 17) e Yago Rodríguez (min. 67). Sen cartóns no equipo vigués.
