Con permiso de Carvalho Calero, escritor homenaxeado este ano polo Día das Letras Galegas, Rosalía de Castro tamén foi onte protagonista nun acto que puxo en valor a figura da escritora de Padrón. A imaxe da autora máis senlleira da literatura galega ondeará nos mares grazas ao tributo que lle brindou a Asociación Piueiro da Guarda, que onte estreou a súa nova vela coa imaxe de Rosalía e a lenda “Eu son libre”.
Joaquín Cadilla, presidente da Asociación e home de mar, explicou que elixiron a figura da poetisa como emblema por ser “a atadeira da nosa cultura e, desde o ano pasado, tamén estrela no firmamento que nos guiará nos roteiros polo océano da nosa cultura, de porto en porto. Da Guarda a Ribadeo”.
A estrea da vela coincidiu na mesma semana da morte de Staffan Mörling, etnógrafo e antropólogo sueco que, desde a súa primeira visita a Galicia en 1964, converteuse nun gran coñecedor, defensor e divulgador da cultura mariñeira galega. O seu recordo tamén foi izado coa simbólica vela do “Piueiro” tras un sentido minuto de silencio durante o acto celebrado no Monte Real Club de Iates de Baiona, onde hiberna o volanteiro, o barco reconstruído pola Asociación Piueiro, á espera de volver a casa: o porto da Guarda.
No izado da vela coa imaxe de Rosalía recitouse un fragmento de Cantares Galegos mentres as gaitas clamaban o himno do antigo Reino de Galicia antes de soltar ao vento o himno oficial. Desde Baiona, o “Pirueiro” partirá cara A Guarda cando a pandemia o permita, en viaxes educativas e culturais.
Neste acto celebrado para conmemorar a figura de Rosalía no Día das Letras Galegas participaron, ademais dos membros da asociación, a madriña e o padriño da embarcación: Paula Alfonso e Javier de la Gándara.
O buque “Pirueiro” é un volanteiro, un tipo de embarcación tradicional do que se ten referencia desde o século XVII. Estas embarcacións viviron o seu momento de maior gloria no século XIX e desapareceron a comezos do XX, coincidindo coa aparición dos arrastreiros.
Joaquín Cadilla, presidente da Asociación e home de mar, explicou que elixiron a figura da poetisa como emblema por ser “a atadeira da nosa cultura e, desde o ano pasado, tamén estrela no firmamento que nos guiará nos roteiros polo océano da nosa cultura, de porto en porto. Da Guarda a Ribadeo”.
A estrea da vela coincidiu na mesma semana da morte de Staffan Mörling, etnógrafo e antropólogo sueco que, desde a súa primeira visita a Galicia en 1964, converteuse nun gran coñecedor, defensor e divulgador da cultura mariñeira galega. O seu recordo tamén foi izado coa simbólica vela do “Piueiro” tras un sentido minuto de silencio durante o acto celebrado no Monte Real Club de Iates de Baiona, onde hiberna o volanteiro, o barco reconstruído pola Asociación Piueiro, á espera de volver a casa: o porto da Guarda.
No izado da vela coa imaxe de Rosalía recitouse un fragmento de Cantares Galegos mentres as gaitas clamaban o himno do antigo Reino de Galicia antes de soltar ao vento o himno oficial. Desde Baiona, o “Pirueiro” partirá cara A Guarda cando a pandemia o permita, en viaxes educativas e culturais.
Neste acto celebrado para conmemorar a figura de Rosalía no Día das Letras Galegas participaron, ademais dos membros da asociación, a madriña e o padriño da embarcación: Paula Alfonso e Javier de la Gándara.
O buque “Pirueiro” é un volanteiro, un tipo de embarcación tradicional do que se ten referencia desde o século XVII. Estas embarcacións viviron o seu momento de maior gloria no século XIX e desapareceron a comezos do XX, coincidindo coa aparición dos arrastreiros.