Oito paradas na vida de Domingo Villar

A expectación era máxima e dende o luns xa estaban esgotadas as prazas para apuntarse ao routeiro adicado a Domingo Villar (Vigo, 1971-2022) na Feira do Libro. Foi un percorrido, dirixido polos escritores Pedro Feijoo e Guada Guerra polo corazón da cidade con oito paradas vencelladas ao homenaxeado. A alta participación foi, para os guías do evento, unha mostra do agarimo que se lle ten ao creador do inspector Leo Caldas.

Ambos mestres de cerimonias, que trataron persoalmente a Villar, destacaron a súa grandeza humana: “Era un home bo, penso que iso é o que o primeiro que destaca todo o mundo de Domingo, sempre estaba pendente de todo, nunca se esquecía do que se lle comentaba, preocupábase polos problemas dos demais”. Mais tamén a súa achega á literatura. “O seu legado é inmenso, e aínda non se recoñeceu como se debería todo o que fixo pola literatura galega”.

O punto de encontro foi a escola de Artes e Oficios, onde traballaba a vítima do derradeiro caso de Caldas en “O último barco”. “Esta foi a última novela que escribiu, pero non a súa última obra; estaba traballando en ‘Síbaris’, a unha obra de teatro que levaron a escena Carlos Blanco baixo a dirección de Lois Blanco e ‘Algúns contos completos’, ilustrados por Carlos Baonza, eran as historias que contaba aos amigos nas sobremesas e quixo compartilos con todos”, indicou Feijoo.

A seguinte parada foi a rotonda da Paellera, ubicación orixinal do bar El Puerto, agora trasladado á rúa Arxentina. “A través das localizacións dos libros de Domingo pódese facer un percorrido polos bares e os lugares da cidade que se van perdendo como Almas Perdidas, o Tony´s, Gota de Leche ou o Viúda, e que son parte da nosa historia. El non escollía os escenarios por casualidade, amais de entreter, sempre buscaba algo máis, transmitir un coñecemento”. Así, Feijoo e Guerra guiaron á comitiva por outros puntos de interese como o lugar onde Caldas escoitaba jazz, no local que fora a librería Esmorga. “O dono decatouse que ía gañar máis vendendo viño que libros”. Tamén El Eligio foi motivo de reflexión. “Penso que idealizaron o que creou Domingo e iso pode chegar a ser negativo”.

La Alameda, “a zona cero de Domingo”, agrupou catro paradas. A primeira é a sede de Radio Vigo, que Feijoo presenta como unha edificación representativa do eclecticismo vigués, obra de Alejandro Rodríguez Sesmero. “Aquí era onde Leo Caldas levaba o programa ‘Patrulla nas ondas’, da emisora Onda Vigo”. A súa compañeira engade a anécdota que na versión en castelán da súa última novela, conta co alcalde como convidado, “nun guiño á súa participación nos programas radiofónicos”. “Como dicíamos, nada é casual en Domingo Villar, a escolla desta emisora débese a que é a voz que buscan os vigueses dende hai anos para se informar. Foi fundada en 1934 por Santiago Montenegro e Emilio Torrado en Abeleira Menéndez e comezou a emitir co nome EAJ48”, indicou Feijoo.

Outra antiga sede, a de Galaxia, no medio da Praza de Compostela. “Aquí foi onde Domingo Villar veu a ofrecer a súa primeira novela e rexeitárono, foi entón a Xerais e tamén recibiu un non, só cando Siruela aceptou publicar a versión en castelán, fíxoselle caso en galego”. A escultura de Domingo Villar, inaugurada a escasos metros da súa vivenda e as vistas do porto completaron un routeiro que amosou que o escritor segue vivo na súa cidade.

Las colas del día en la firma de Rebeca Stones

La creadora de contenido e influencer Rebeca Stones generó la cola de ayer en la Feria do Libro delante de la caseta de actividades. Cuando llegó, a las doce en punto, sus lectores ya daban la vuelta al stand con las novelas de la viguesa en la mano. Apareció andando por la Alameda y sonriente, saludó a sus fans con un sencillo “¡Hola! ¿Qué tal?”. Aunque firmó ejemplares de todos sus libros, el que más se repitió fue su último título, “Amar sin escalas”, publicado este año.