Anxo Lorenzo: “A nosa intención é exportar o modelo do CGAC, dinamizar cultura en Vigo”

Anxo Lorenzo (Vigo, 1964) é dende 2018 director xeral de Políticas Culturais da Consellería de Cultura. Antes foi secretario xeral do mesmo departamento e ata 2012 de Política Lingüística da Xunta. Licenciado e doutorado en Filoloxía, visitou o set de Atlántico TV para falar dos investimentos e dos proyectos que o Goberno galego ten para Vigo no ámbito da Cultura.

Comezou a súa traxectoria política no campo da normalización lingüística para logo pasar ao da cultura. Como foi esa mudanza?

Foi un cambio bastante profundo. A política lingüística ten un ámbito máis limitado, vinculado a un sector moi concreto, mentres a cultura e un macrosector, onde hai absolutamente de todo, con áreas moi diferenciadas e coas súas particularidades. Vai dende patrimonio, bibiliotecas, arquivos, o sector do libro ou industria cultural.

De feito comezou na normalización como docente na Universidade de Vigo.

Na política lingüística tiña moita experiencia e coñecemento, é un campo afín. Din clases de cuestións de política lingüística, colaborei na elaboración no plan de normalización e no da propia Universidade. A lingua e a cultura non están moi separadas, entendendo a éste como un macrosector.

Cales son as funcións do director xeral de Cultura?

As miñas tarefas están dentro das competencias da Consellería e o que me pida o conselleiro. Temos un equipo amplo e diverso, cunha directora xeral de Patrimonio cultural e un director xestións culturais. Están moi ben delimitadas as cuestións de cada un, aínda que nalgúns temas traballemos todos. A min correspóndeme directamente o sector do libro, todo o que ten que ver con bibliotecas, arquivos e museos, así como a promoción e difusión da cultura dende a presenza internacional ata o máis achegado.

En Vigo, cal é o buque estrela da Consellería?

Aquí temos dúas estructuras claras que son para nós dúas xoias: O Museo do Mar de Galicia en Alcabre e a biblioteca do Estado Juan Compañel. O museo, con 20 anos, está consolidado e asentado na cidade. É a referencia do mar en Galicia, cando se trata de albergar achádegos de arqueoloxía submarina. En canto á biblioteca, é unha dotación do Estado que xestiona a Xunta nun edificio do Concello. A Xunta ten 300 bibliotecas en toda Galicia e leva directamente seis, de todas elas a que máis préstamos fai é a de Vigo, ten moitos socios e un movemento enorme. Por esta demanda levamos anos detrás de facer unha gran biblioteca que aumente a rede local que nesta cidade non existe.

Cando abra a Biblioteca do Estado seguirá operativa a Juan Compañel?

O edificio é do Concello de Vigo. Cando abra a Biblioteca Pública do Estado na zona de As Travesas, o goberno local ten que se posicionar, deberá decidir que facer, se mantela ou destinar o edificio a outros usos. Ao rematar as obras por parte do Ministerio de Cultura, xestionarémola nós, en cada localidade só nos encargamos dunha biblioteca.

Volvendo aos museo, sorprende a aposta pola arte contemporánea no programa de exposicións temporais. Non serían máis apropiadas para o Marco ou para a futura extensión de CGAC?

Formamos parte do padroado do Marco, aportamos nestes anos máis de 3 millóns de euros. Estamos contentos de que exista, xa que cumpre a función de ser a referencia en arte contemporánea na cidade e axuda a dinamizar o sector, como fai o CGAC. Estamos encantados de estar no Marco, pero tamén queremos ter unha sede do CGAC en Vigo, al igual que a queremos en Lugo. A nosa intención é exportar o seu modelo, non competir, senón dinamizar a cultura de Vigo. Queremos facelo no Casco Vello, pensamos que é o sitio máis adecuado para apoiar esa vertente creativa que está a xurdir alí. A iniciativa está parada porque o Concello négase a darnos eses espazo pedido ao Consorcio, pero que ten que ser aprobado por unanimidade. Esto non quita que tamén se programe arte contemporánea en Alcabre. O prioritario segue a ser o ámbito marítimo, pero tendo espazo e capacidade, é un lugar excelente para acoller outras actividades.

Vigo é demandante e creadora de cultura, como apoia colectivos respetando a súa independencia?

Apostando por esa creatividade para lograr que se materialice, dando facilidades de difusión e de distribución. Un exemplo sería o audiovisual galego, un deles “Matria”, de Álvaro Gago, recibiu axuda de produción da Xunta e acompañamos aos festivais internacionais onde quixo estar, a Berlinale e a Málaga. Outro exemplo, nas artes escénicas, colaboramos con tres: auditorio municipal media 60.000 euros anuais, e con cantidades semellantes nas dúas artes privadas, Ártika e Ensalle, salas privadas non son habituais no resto de Galicia. En Vigo repartimos 150.000 euros a través dos fondos europeos para a mellora de equipamento en locais de música e artes escénicas, sinal de que en Vigo hai proxectos.

Este ano coinciden os dous autores destacados polas Real Academias Galegas vencellados coa cidade, Don Paco, polas Letras Galegas, e Martín Códax polo Día da Arte Galega.

Dende a Consellería temos un plan trazado con accións que inclúe unha exposición sobre Fernández del Riego, que estamos pechando con Galaxia que viaxará a Vigo, así como outras accións que terán a esta cidade como protagonista. O mesmo que no caso de Martín Códax, xa que temos un convenio de colaboración coa Real Academia de Belas Artes de Galicia para realizar accións conxuntas.n