Santi Lago releva a David Serodio como adestrador de Tirán Pereira

A traiñeira feminina de Tirán Pereira presenta cambios para a tempada 2026 no referente á configuración do corpo técnico porque o vigués David Serodio, o preparador dos últimos anos, deixa o cargo e pasa como relevo Santiago Lago, que xa exercía de segundo técnico do barco moañés.

Serodio escolleu afastarse da primeira liña do remo por motivos persoais e laborais, mentres que o club opta por manter a continuidade e, ademais, contar coa colaboración de David Costa que, como director deportivo de toda a entidade, estará preto de todos os adestradores.

O barco do Con é, nos últimos anos, a segunda traiñeira por nivel deportivo de Galicia, soamente por detrás de Chapela. Foi segundo na Liga Galega e acudiu ó ‘play-off’ de ascenso á Liga Euskotren, pero sen acadar o obxectivo.