A Cabana manda con Coruxo na terceira praza
liga galega B
O campo de regatas situado entre o peirao de Cesantes e o arquipélago de San Simón acolleu onte a primeira cita do curso na Liga Galega B con vitoria de A Cabana, que viviu con Coruxo un fermoso man a man na quenda intermedia e nunhas condicións meteorolóxicas con algo de vento, que mudou do oeste ó norte durante a proba.
A traiñeira máis rápida foi a de Ferrol. Na súa quenda, a gañadora virou no mesmo tempo que a "Fontaíña" no primeiro longo, pero no ecuador da proba xa levaba catro segundos de renda. No segundo treito da competición, a tripulación ferrolana aumentou a diferenza mentres que os vigueses perdían segundos ata baixar ó terceiro posto do día.
Quedaba por disputarse a última quenda da regata con Esteirana e Cesantes como protagonistas. A traiñeira local saiu cunha velocidade máis na idea de loitar pola vitoria na regata e o impulso durou ata a metade da competición, porque despois foi claramente superado polo barco de Esteiro, no concello de Muros. Os de Redondela caeron ata a cuarta posición e Esteirana rozou a vitoria ó tardar dous segundos máis en cubrir o trazado que A Cabana.
Chapela pechou a regata e Vila de Cangas rematou na sexta posición da proba.
Contenido patrocinado
También te puede interesar
