Fernández e Caldas, asesoras do Consello da Cultura Galega
As profesoras da Facultade de Belas Artes, Almudena Fernández Fariña e Mar Caldas, acaban de ser nomeadas asesoras do Consello da Cultura Galega en materia de creación e arte visual contemporánea, alongando a lista do profesorado da Universidade que ostenta esta responsabilidade noutras seccións do organismo cultural.
Foi a Comisión Executiva do Consello da Cultura Galega quen nomeou a Mar Caldas e a Almudena Fernández Fariña como membros da Sección de Creación e Artes Visuais Contemporáneas.
Aínda que o nomeamento é a título persoal, cren que esta nova responsabilidade terá repercusións positivas para a facultade na que imparten clase. Entre as competencias da sección para a que colaboran están a de orientar e reflexionar sobre a creación e a artes visuais en Galicia, ademais de promover actuacións tales como conferencias, congresos, seminarios, exposicións, realización de informes, estudos e publicacións.
Contenido patrocinado
También te puede interesar
Lo último
