Atlántico

ÁLEX MENE AUTOR DE “INDÓMITA E A SEMENTE DA INMORTALIDADE”, GAÑADOR DO CERTAME LITERARIO MUÍÑO DO VENTO

“Quero reivindicar o papel das nenas como protagonistas, non só como provocadoras”

Profesor no bacharelato artístico do IES Alexandre Bóveda, Álex Mene deu un paso máis do mundo da literatura co seu segundo título, “Indómita e a semente da inmortalidade” (Bululú, 2019) co que gañou o primeiro certame de literatura infantil e xuvenil “Muíño no Vento”, convocado pola Asociación Cultural Canido de Ferrol.
Álex Mene, co libro premiado, “Indómita e a semente da inmortalidade” que se presenta en Vigo o vindeiro 3 de outubro.
Álex Mene, co libro premiado, “Indómita e a semente da inmortalidade” que se presenta en Vigo o vindeiro 3 de outubro.
“Quero reivindicar o papel das nenas como protagonistas, non só como provocadoras”

Mene falou para os lectores de Atlántico de Indómita, unhas aventuras que presentará na Casa do Libro o vindeiro 3 de outubro.

Que ten esta historia que poida enganchar á mocidade lectora?
O atractivo para os adolescentes é o sentido do humor, ensina rir dos demais, pero tamén dun mesmo. Na estructura xogo a descolocar o tempo de acción, ao estilo Tarantino, para darlle máis dinamismo.
A protagonista é Indómita, que sentido ten o seu nome?
O nome resume a súa persoalidade e reseña a importancia dos nomes. Chegou á aldea nun canastro polo río e foi aceptada pola comunidade sen preguntar de onde ven; é a elixida para salvar á aldea.
É intencionado que sexa protagonizada por unha nena?
Quixen facer ás nenas protagonistas e reivindicar o seu papel protagonista, xa que como  son provocadoras da acción.
Os feitos pasan nunha aldea sen nome, nun tempo indeterminado. Dedúcese que é Galicia?
Podería ser nunha aldea do Courel, rodeada de montañas. Non a sitúo seguindo o estilo da tradición oral da que collo moitas referencias. É unha historia fantástica, onde os habitantes da aldea son inmortais grazas a unha árbore, pero tamén analiza as noticias falsas ou temas de ecoloxía.
Ten, entón, distintas lecturas?
É literatura xuvenil, pero tamén un conto para adultos. Pode ser a historia dun nena que ten que salvar a súa aldea ou unha trama con citas de Aristóteles ou Platón; que fala do paso do tempo e reflexiona sobre a mortalidade. Tamén evoca á literatura ou ao cine con guiños a Agustín Fernández Paz, Blanco Amor o a Hitchcock. Nútrese da tradición literaria e fai alusión a protagonistas de Hamelin o a Bela Durminte.