Os seus compañeiros de letras organizan unha homenaxe polo seu décimo cabodano
Cúmprense dez anos do falecemento de Xela Arias, pero a súa voz segue a escoitarse nos seus versos. A súa presenza seguena a sentir os compañeiros de letras, os da Asociación de Escritores en Lingua Galega (AELG) que hoxe organiza un acto na súa lembranza: “Homenaxeala é testemuñar que se tratou dunha autora singular para o seu tempo; é render homenaxe a unha voz única e a unha muller que sentía e amaba a súa lingua, a terra e o pobo que creou esa lingua”, apunta a Asociación.
Así, lembrarán os versos na cidade na que vivíu e onde reside a súa familia e nas voces que a coñeceron e a trataron, abordando tódalas facianas de Xela, que sumou a poesía, a música e as artes plásticas.
A cita será este serán, ás 19 horas, no instituto Álvaro Cunqueiro, na rúa Porriño (Coia). Participarán Manuel Bragado e Fran Alonso, de Xerais, editorial a que estivo moi vencellada; María Xesús Nogueira, a súa editora; Pilar Carro, promotora do certame poético que leva o seu nome; Eduardo Estévez, o seu traductor ao español, pero tamén o actor Avelino González, as escritoras Ana Iglesias e Mercedes Queixas, e farase lectura dunha mensaxe de Carme Kruckenberg. A música porana Xardín Desordeado e Fernando Abreu con Iolanda Zuñiga.
Xunto a súa familia manteñen vivo o seu legado.n