nnn A guardesa Anaír Lomba 'Lombi' foi operada nas últimas horas dunha rotura parcial do ligamento cruzado con afectación do cartílago do seu xeonllo esquerdo e agora afronta unha recuperación de entre seis e oito meses de duración.
A futbolista do Valencia de Primeira División, que nas últimas semanas renovou o seu contrato coa entidade, tiña molestias na articulación nos últimos meses e, ó rematar a tempada, realizou unha resonancia magnética de control que, en teoría, era para descartar problemas graves. A proba resultou moito máis negativa do previsto porque Lombi tiña roto o ligamento cruzado do xeonllo esquerdo, unha lesión que xa padeceu con anterioridade na súa carreira. A pesar da gravidade da doenza, a futbolista rematou a tempada e descoñece cando foi o momento no que se produciu a lesión.
En todo caso, foi intervida con celeridade para iniciar a recuperación, estimada entre os seis e os oito meses de duración.n
