O medrar de Vigo a través da vida da familia Portela

 Noa Pérez González (Vigo, 1978) estrenouse como novelista con “O ocaso da familia Portela”, a súa ópera prima que onte presentou en Librouro. “É a historia dun clan orixinario do Rosal que viven en Vigo; é afín ao réxime franquista”, explica a autora. Ao longo de tres xeracións, dende os anos anteriores á guerra civil ata os setenta, fai un percorrido cunha cidade que medra e se transforma como escenario da trama. “Fundamentalmente é unha historia intimista que aborda os sentimentos, os medos e as valentías dos protagonistas; como trasfondo están outros aspectos máis diluidos, entre eles o histórico”, puntualiza Noa.
Os feitos son ficticios e os personaxes saídos do maxín da escritora, mais recoñece certa recreación da realidade: “Inspireime en moita xente, en vivencias e anécdotas familiares, hai moito da miña avoa e da miña nai nestas páxinas”. Os Portela transitan por O Rosal, onde Noa pasou parte da súa nenez, e tamén polas rúas de As Travesas, barrio onde naceu a autora.
Trátase dunha novela curta, a primeira incursión neste xénero para unha escritora de relatos y contos. Confiesa que “non teño previsto escribir unha segunda parte, aínda que moitos que xa a leron dín que sinten a necesidade dunha continuación”. Leva inmersa no seu seguinte proxecto algo máis dun ano: unha historia sobre a casa das baleas, unha narración inspirada na vida do persoal dunha nave situada a carón da factoría Massó, en Bueu.n