Xuntanza de nenos saharauis de vacacións
O Concello de Mos adiantou onte que a vindeira semana celebrarase unha xuntanza de tódolos nenos saharauis que están a pasar as súas vacacións neste municipio e tamén nos dePorriño e Tomiño.
Dita xuntanza terá lugar pola tarde na piscina municipal ó aire libre de San Eleuterio para posteriormente merendar no parque ubicado xunto á mesma.
Este encontro fará as veces de despedida e broche final das 'Vacacións en Paz'destes nenos procedentes do deserto do Sáhara, xa que retornan ós seus respectivos lugares de orixe a principios do vindeiro mes de setembro.
Os cinco rapaces acollidos nesta ocasión por familias mosenses xa levan vindo a pasar o verán a Mos dende fai varios anos.
O Concello de Mos colabora con esta iniciativa chamada 'Vacacións en paz' mediante un convenio de colaboración coa Asociación Solidariedade Galega co Pobo Saharaui.
Contenido patrocinado
También te puede interesar
