Vigo da o último adeus a Xesús Alonso Montero

Cun acto civil conducido pola súa filla Sara e ao canto da Internacional, coa tradución que fixera o propio Alonso Montero deste himno, foi despedido onte un dos intectuais máis sobranceiros que deu Galicia no século XX, defensor incansable da lingua galega que falecía o 12 de febreiro, aos 97 anos, na súa cidade natal, Vigo.

Ao redor do seu cadaleito, que cubría unha pequena bandeira do Partido Comunista Galego, no que militou dende 1962, déronse cita familiares, amigos, políticos, editores, escritores, artistas, as máximas autoridades da Real Academia Galega, da que foi presidente, e do Consello Galego da Cultura, membros da comunidade universitaria e compañeiros nas múltiples facetas polas que foi recoñecido ao longo da súa vida. Entre outros, o conselleiro de Educación e Universidades, Román Rodríguez; o alcalde Abel Caballero e concelleiros do seu equipo de Goberno.