Unha muller á fronte da veciñanza do Casco Vello

A Asociación Veciñal do Casco Vello convocou esta semana unha asemblea para renovación da súa directiva. Da votación saíu unha dirección continuista, dos que os seus quince integrantes, nove repiten como representantes. Tal é caso de Fiz Axeitos, unha cara visible do movemento veciñal, que nesta ocasión exercerá o cargo de secretario. A novidade radica na presidencia, que despois de moitos anos, volveu recaer nunha muller. María Piñeiro, veciña do Berbés, porase á fronte da veciñanza do barrio histórico, cun equipo mozo, onde a idade media é de 47 anos.

Cunha masa social do redor de 900 familias asociadas, a agrupación dá voz aos residentes no Casco Vello e nos tres barrios lindantes: Torrecedeira ata as inmediacións da Praza de Xoán XXIII, xunto á contorna da Alameda e a zona de Ronda de Don Bosco (ensanche histórico).

A nova directiva atoparase enriba da mesa os principais asuntos que xa ocuparon aos seus antecesores: A contaminación acústica, o incremento das vivendas de uso turístico no barrio e a falta de aparcamento. Asemade, sinalan as obras no Barrio do Cura como unha das súas principais preocupacións. A nivel cultural, na súa axenda xa preparan o Samaín coa Santa Compaña, que destaca no calendario xunto a Nadal cos ranchos de Reis; o Entroido tradicional, coa saída dos Merdeiros y a comparsa Os Tarteiras; os Maios; San Xoán e a Reconquista, que anceia converterse en Festa de Interese Turístico Internacional.