A taberna Eligio fai unha preestrea por Leo Caldas

nnn A taberna de Eligio, foco de creación artística da cidade, volveu este xoves ao circuito cultural, ao acoller o encontro privado entre o escritor Domingo Villar e un grupo de libreiros vigueses para presentarlles un novo caso do insector Leo Caldas, “O último barco”.

Tal e como xa adiantou Atlántico hai dous días, a reapertura de El Eligio está prevista para dentro dun mes, en marzo, a nova dirección aproveitou esta reunión para facer pública a nova etapa da taberna que tras un lavado de cara, pretende manter a esencia que lle deu sona.

Pero a importancia desta xuntanza radica non só no regreso dun lugar icónico do mundo das artes, senon tamén a volta dun personaxe ficción que o mesmo Domingo Villar ubicou neste mesmo bar. A anterior novela protagonizada por Caldas, “A praia dos afogados”, foi publicada hai unha década, polo que a nova publicación espertou unha grande expectación entre os seus seguidores.

O evento privado, organizado polas editoriais, Domingo Villar (Vigo, 1971) presentou diante dalgúns dos libreiros máis activos da provincia “ O último barco”, que verá a luz o vindeiro 6 de marzo simultáneamente en galego, de man de Galaxia e na súa tradución ao castelán, que será publicada por Siruela.

Precisamente, a editora en español, Ofelia Grande, afirmou nesta reunión que Villar puxo Vigo no mapa e fixera viaxar ata os enclaves da Ría a milleiros de lectores en todo o mundo no popular turismo literario. n