Onde o teatro cobra vida en Vigo

Hai espazos que non son só lugares, senón experiencias. En pleno centro de Vigo, na Praza Francisco Fernández del Riego, Imaxinatea Lab Creativo leva anos demostrando que o teatro pode ser moito máis ca unha actividade extraescolar: pode ser unha ferramenta de transformación persoal, un punto de encontro e un motor de creatividade.

Coa chegada do verán, a escola abre unha nova porta para quen queira iniciarse —ou continuar— neste camiño artístico. E faino cunha dobre proposta: cursos intensivos de verán e a apertura de matrícula para o curso 2026–2027.

A súa oferta de verán inclúe o Campamento Teatral (para cativos de 7 a 14 anos), no que nenos e nenas poderán descubrir as súas capacidades expresivas sen presións nin xuízos.

Tamén ofrece o curso Teatro Básico Intensivo para Adultos, onde se traballará con exercicios de improvisación e achegamentos a textos teatrais.

As persoas que se inscriban en dúas semanas de curso beneficiaranse dun 20% de desconto, facilitando así unha experiencia máis completa.

Máis alá do verán, Imaxinatea propón un itinerario formativo estable de Formación Teatral Básica infantil e adultos; Formación Teatral Avanzada, e técnica vocal. Se te apuntas agora para o vindeiro curso terás un desconto do 30% na matrícula e asegurarás a túa praza no horario que mellor te conveña.

Toda a información está disponible na páxina web imaxinatea.es.