Nigrán e Manchester: unidos pola educación

O alcalde de Nigrán, Juan González, viaxou onte a Manchester co alumnado de intercambio do CEIP Humberto Juanes para propoñer oficialmente un irmandamento entre o distrito de Chorlton no que se atopa o Colexio Saint John´s e o municipio tras prácticamente 2 décadas de experiencia compartida.

"Mantiven un encontro coa concelleira laborista Tina Kirwin-McGinley na que tamén nos indicou o seu interese en facer oficial estes lazos que unen xa a dous xeracións de ingleses e de nigraneses", explicou o alcalde, Juan González, quen regresou hoxe despois dunha viaxe lóstrego que o alumnado nigranés gozará ata o martes 18.

O CEIP Plurilingüe Humberto Juanes cumpre 19 anos de intercambio lingüístico-cultural con Manchester, en concreto co colexio Saint John’s do barrio de Chorlton, o que se traduce en máis de 600 alumnos ingleses recibidos coas súas familias. O intercambio comezou sendo ‘só’ un contacto epistolar entre o alumnado de 5º e 6º e hoxe en día está xa instaurado no día a día do centro nigranés e supón un selo de identidade. En todos os casos, as criazas de Nigrán alóxanse en casa de familias e durante toda a semana participan nunha ampla programación socioculural.