Inquilinos para a incubadora de proxectos empresariais

Agora os seus seis primeiros inquilinos comezan a pensar en enfrontarse ao mundo empresarial sen o paraugas da institución académica para deixar paso á nova fornada de emprendedores que ocuparán o seu lugar a través da segunda edición dos Premios Incuvi-Emprende. Os proxectos gañadores deste certame ocuparán os seis espazos dispoñibles na incubadora viguesa e outros dous na sede da Asociación de Jóvenes Empresarios na cidade de Pontevedra, novidade desta edición. O prazo de presentación das solicitudes estará aberto ata o 10 de decembro.

Posta en marcha pola Vicerreitoría de Transferencia de Coñecemento, a incubadora trata de arroupar e fornecer as ideas innovadoras para convertelas en novos proxectos empresariais, fomentando o emprendedurismo entre os estudantes universitarios e poñendo en valor os seus coñecementos. O vicerreitor José Antonio Vilán explica que a primeira edición, con seis empresas nos espazos da incubadora. Os seis proxectos seleccionados foron elixidos entre 21 propostas empresariais de case todos os eidos do coñecemento e durante o último ano, os seus responsables participaron en xornadas, cursos e seminarios co apoio da Área de Emprego da Universidade, a Fundación Universidade de Vigo e Cidade Universitaria.