Os gardacostas elevan un 76% as infraccións nas praias

O ente dependente da Consellería do Mar realizou o mes pasado preto de 150 controis nos areais da comunidade, nos que rexistrou 67 infraccións que atentan contra o traballo do sector marisqueiro.

As accións da Xunta para concienciar aos turistas de que non extraian marisco das praias para non prexudicar o traballo dos mariscadores segue todo este mes por distintos areais da comunidade coa campaña "Non sexas pirata. Á praia vense a gozar, non a saquear", que se estreou en Miño, na Coruña.

furtivismo de bañador

Extenderase por 45 areais e 35 municipios galegos co fin de combatir o furtivismo, tanto "o profesional coma o de bañador", indica a Consellería do Mar en referencia as accións cometidas por algúns turistas durante o verán. A súa titular, Rosa Quintana, lembrou que este é un problema "socioeconómico, medioambiental e de saúde" posto que o consumo de marisco extraído e comercializado de xeito ilegal supón un risco para o consumidor ao non ter pasado ningún tipo de control que o avale.