Fiandola tocará na Festa do Muíño cangués de Coiro

A parroquia canguesa de Coiro celebrará dende o vindeiro venres a Festa do Muíño', comenzando ese día coa presentación pola Comunidade de Montes de Coiro, no centro cultural ás oito e media do serán, do plano guía das árbores do contorno do muíño de Fausto, aínda que os días grandes da festa serán o sábado e domingo.

O sábado pola mañá haberá festa infantil no colexio Castrillón, e xa dende as seis e media da tarde no palco da festa actuarán os grupos Antoxo, Xente Xoven, Lembranzas da Ría, As Tarambainas, e Meiramar, en tanto que na noite folc o farán Sons do Muíño, Os Chotos, e Fiandola presentará o seu novo disco 'Mimá'.

Xa o domingo, o investigador local Luis Chapela Bermúdez dará o pregón á unha da tarde, despois da actuación da banda de gaitas Tromentelo.

Como cada edición, haberá unha degustación de produtos da parroquia, empanadas de millo, ovos con migas, e visitas ao muíño.

A romaría popular comezará ás tres da tarde, despois acturá Tropa de Trapo, e o grupo Abaladoiro, rematando a festa co sorteo dun xamón entre as persoas que merquen un boleto de axuda á festa.

Contenido patrocinado