Tres festivais de cine vigueses repiten no Rías Baixas Film Fest

O audiovisual será a partir de abril o protagonista co inicio dos Rías Baixas Fest. A marca acolle a oito festivais, que se desenvolven por toda la provincia, tres deles en Vigo. Comenzará co Play-Doc de Tui, do 26 de abril a 1 de maio, para seguir co Festival de Cans no Porriño (16-20 de maio), Primavera do Cine de Vigo (5-10 setembro); o FicBueu (9- 23 setembro), o Galician Freaky Film Fest de Vigo (22 e 23 e do 27- 30 setembro); o Festival de Cine Inclusivo de Vigo (17-22 outubro), o Curtas Festival do Imaxinario de Vilagarcía (27 outubro a 5 novembro) para finalizar con Novos Cinemas en Pontevedra (do 12-17 decembro). “Compromiso, calidade, autenticidade, diversidade e capacidade para construír pensamento crítico”. Así, a presidenta da Deputación, Carmela Silva, quixo poñer onte en valor aos oito festivais audiovisuais que abrangue a marca Rías Baixas Film Fest.

Coa interpretación de bandas sonoras de “A Misión” ou “O padriño”, a cargo de Erea Carbajales e Susana Blanco, Carmela Silva presentou o inicio destes festivais dos que dixo, “son capaces de mobilizar á sociedade da provincia a través da cultura” cunha marca que vai avanzar na promoción destes festivais en eventos nacionais e internacionais. “Os Rías Baixas Film Fest son unha referencia e unha sinal de identidade dentro é fóra da provincia, pero temos que seguir avanzando”, subliñou ante os e as representantes dos festivais.

A presidenta anunciou unha presentación propia da marca na feira Culturgal “para que a xente de toda Galicia teña coñecemento do que se fai”, así como a posibilidade de ter presenza noutros festivais foráneos.

No acto da presentación, no que se proxectou un vídeo resumo da edición do 2022, interviñeron tamén Nerea Lores, do FicBueu, e Juan de Castro, do Galician Freaky Film Fest. Lores subliñou o feito da recuperación da normalidade trala pandemia e insistiu en que “hai que poñer o foco no noso público e volver a poñer en valor a presencialidade e os encontros coa xente.

Pola súa banda, o vigués Juan de Castro destacou o feito de que un territorio pequeno como a provincia sexa quen de ter festivais “tan diversos, completos e de tanta calidade”.