O exalcalde pedáneo de Bembrive, en Vigo, afirma que acudirá aos tribunais por 'aldraxes e calumnias'

O exalcalde pedáneo de Bembrive, Benito Pérez (PP), anunciou este xoves a súa intención de acudir aos tribunais e presentar unha denuncia 'por aldraxes e calumnias', a raíz da acusación do actual pedáneo, Roberto Ballesteros, sobre unha suposta irregularidade no cumprimento de penas con traballo á comunidade.

En declaracións a Europa Press, Pérez rexeitou as acusacións sobre que asinaría, na súa etapa como alcalde pedáneo, a un dos traballadores que fan servizos á comunidade en Bembrive -en virtude dun convenio con Institucións Penitenciarias- máis horas das que realmente fixera.

Por iso, avanzou que nos próximos días presentará no xulgado a denuncia, 'por unhas declaracións que non se axustan á realidade'. A xuízo do popular, as acusacións de Besteiros 'carecen de todo tipo de base'.

Nunha nota de prensa, Ballesteros denunciaba que se asinarían a un traballador máis horas das que realmente realizara e solicitaba a Institucións Penitenciarias que realizase unha investigación, co fin de 'aclarar a situación e depurar as responsabilidades que puidesen existir'.