EU lembra a "Ferreiro", histórico militante comunista na cidade

Esquerda Unida lembrou a traxectoria de Luís “Ferreiro”, histórico comunista, que falecu en Vigo. Nado en Vila de Cruces en 1936, emigrado a Francia e retornado a Vigo, xa como militante clandestino do Partido Comunista de España no ano 1967, a onde chega para colaborar no aparato de propaganda sendo responsable de obter recursos para as imprentas clandestinas de toda Galicia. “Ferreiro construíu zulos para as imprentas en Vigo, na comarca de Coruña, etc, que albergaron as maquinas que imprimiron os panfletos nas folgas do 72 en Vigo e Ferrol e especialmente as copias de 'Mundo Obrero' que logo el mesmo distribuía cun complexo sistema de enlaces por toda Galicia” relata o concelleiro Rubén Pérez. Ferreiro foi membro do primeiro Comité Central do Partido Comunista de Galicia en París, xunto con figuras como Enrique Líster e Santiago Álvarez. Participou activamente en Esquerda Unida e no PCG da comarca de Vigo. Rubén Pérez sinala o “profundo exemplo moral e de militancia que Ferreiro nos inculcou".