A asociación Évame Oroza achégase ao ceo neste 2026

O presidente da Asociación Évame-Oroza, Javier Romero, presentou onte a programación cultural para 2026, destacando que a asociación mantén unha media de dous actos culturais por semana grazas ao apoio institucional e á participación da comunidade. Este ano celebrarase oito exposicións de arte, tanto de artistas emerxentes coma consolidados, acompañadas de charlas e visitas guiadas que achegan ao público á obra dos autores.

Romero subliñou tamén a produción de espectáculos propios, como o recital de poesía escénica “Sesión de espiritismo”, e o Festival de Poesía e Oralidade “Máis Alto que o Ceo”, consolidando a Évame-Oroza como referente cultural en Vigo. A asociación conta con recoñecemento internacional, tras recibir máis de 400 poemarios procedentes de Latinoamérica para o premio internacional. O promio Romero puido comprobar na Feira de Guadalajara en México coma os visitantes preguntaban pola asociación.

As actividades buscan dinamizar o Casco Vello Alto, unha zona que durante anos careceu de actividade cultural constante, e inclúen tamén actuacións dun grupo de teatro formado localmente, que ofrece programación continua.

Pola súa banda, Ana Ortiz, delegada territorial da Xunta de Galicia en Vigo, destacou o efecto dinamizador de Évame-Oroza na vida cultural e social do barrio histórico. Subliñou que a rehabilitación do edificio asociado ao proxecto converteu o espazo nun punto de referencia para a cidade e felicitou á asociación polo seu labor diario na promoción da cultura.