Antonio Valín: "Estamos moi contentos de ter xente nova na Semana Santa, hai que pensar no futuro"

Antonio Valín vivirá a súa segunda Semana Santa en Vigo como bispo da Diocese de Tui-Vigo. Recoñece que para él será especial, con moitos nervios pero tamén moita ilusión pola festividade litúrxica.

¿Esperan novidades para esta Semana Santa?

Sei que as diferentes confrarías están a facer cousas novas e están moi ilusionados por iso. Para min, será case toda novidade porque pódese dicir que é a miña primeira Semana Santa como bispo. O ano pasado, a chuvia impediu saír ás procesións, e só se puido facer o Domingo de Ramos, con un día pouco apracible pero sen chuvia. Si puiden facer os actos litúrxicos dentro das igrexas.

A partir de hoxe, comezase cinco días de moito traballo coa ofrenda a Virxe da Amargura.

En realidade, a Semana Santa comeza co pregón. Este ano foi Leonardo Lemos, bispo de Ourense, o día 17. Esa é a data oficial. E logo, sen lugar a dúbidas está a Borriquita. Creo que é a procesión que máis gusta na xente. Hoxe, a Confraría do Silencio e a da Amargura rematan un triduo cunha ofrenda na parroquia de Santiago de Vigo. E logo o venres estarán os pasos máis vistosos, creo eu, dende o Sagrado Corazón. Este ano contamos con bastantes pasos e costeleiros botando unha man.

Os dous últimos anos non puideron saír as procesións polas precipitacións. ¿Iso apagou a devoción en Vigo pola Semana Santa?

Non creo. Hai que botar máis a vista atrás, porque tampouco puideron saír os pasos pola irrupción da pandemia. Creo que só saíron no 2022 e 2023. Pero este ano de bo tempo, as expectativas que me trasladan os voluntarios son moi boas. E hai que ter en conta que hai xente que aproveita para viaxar e non estarán en Vigo. Haberá que esperar a ver que pasa. O que si, hai unha gañas especiais de recuperar o que antes estaba perdido. En Bouzas, por exemplo, recuperouse todos os pasos. Teis seguirá tendo as súas procesións tan veneradas. Veremos como se comporta a xente, pero hai gañas. Non só polos fieis, senón tamén por todo o traballo realizado polos voluntarios. Están todo o ano a preparar esta Semana Santa e, como se dí, acaba unha e xa tes que empezar a do ano que ven.

¿Estase a conseguir atraer os mozos para colaborar nas parroquias?

Teño entendido que sí. E é moi boa noticia. Estamos moi contentos de ter xente nova na Semana Santa, hai que pensar no futuro. Todos os que traballan son voluntarios, e que estean mozos de 18 ou 20 anos nas procesións e dedicando tempo a estes traballos, é de agradecer. Porque é bonito ver dar pasos adiante a esta xente, que veñen tras ser invitados por outros amigos seus.