300 sanitarios se forman en emerxencia cardiovascular

Son 146 médicos de familia, 30 pediatras e 148 profesionais de enfermaría os que recibirán formación específica a través deste programa. O programa, impartido en Vigo por un total de 32 instrutores, está dirixido a aumentar a seguridade do paciente por medio do adestramento dos equipos de profesionais sanitarios empregando técnicas de simulación avanzada, co foco posto na emerxencia cardiovascular. É un proxecto impulsado por Acis (Axencia Galega para a Xestión do Coñecemento en Saúde) e organizado pola área de Vigo. Redcasa céntrase neste primeiro ano de implantación no persoal sanitario de Atención Primaria, que exerce a súa profesión en moitas ocasións de forma illada, lonxe de centros de referencia e, en ocasións, fóra do alcance dos recursos avanzados do sistema de emerxencias (FPUSG-061).

Os obxectivos son: recoñecer o síntomas inminentes de parada cardiorespiratoria; coñecer os mecanismos de alerta ao sistema de emerxencias médicas; organizarse adecuadamente en caso dunha parada cardiorespiratoria; realizar manobras de RCP de calidade obxectivable; coñecer e manexar correctamente os recursos.n