Rueda reafirma nas Medallas Castelao o valor da emigración

O presidente da Xunta, Alfonso Rueda, solidarizouse con Venezuela na cerimonia das Medallas Castelao 2026, asegurando que Galicia enteira “vive co corazón encollido” despois do dobre terremoto que azoutou o país e defendendo que a comunidade “dos nosos días non se entende sen a emigración”.

Así o trasladou no acto de entrega destas distincións, outorgadas a aqueles galegos que realizaron contribucións singulares, celebrado na Igrexa de San Domingos de Bonaval e coincidindo co aniversario do primeiro Estatuto de Autonomía e do regreso a Galicia dos restos de Alfonso Daniel Rodríguez Castelao. Os galardoados nesta edición foron o trompetista Esteban Batallán, a física Mar Capeáns, o atleta Adrián Ben, a emprendedora gastronómica María Barallobre e Charo Barca, directora da Fundación Andrea.

O mandatario galego comezou a súa intervención coa mirada posta en Venezuela, país afectado por un dobre terremoto o pasado mércores no que continúan os labores de procura de sobreviventes. Venezuela enviou un “abrazo afectuoso” ao poboo irmán venezolano e á comunidade asentada en Galicia. “Todos vivimos esta traxedia como propia”, lamentou. “Este acto institucional representa ao conxunto de Galicia, unha Comunidade que é o resultado da achega e o esforzo de infinidade de persoas ao longo da historia, aquí e no exterior”, reivindicou, asegurando que a solidariedade galega “está e estará no futuro á beira de Galicia para axudalos a superar esta desgraza”. No seu discurso, o mandatario autonómico salientou que estas medallas son unha “expresión do afianzamento da autonomía de Galicia” , destacando que a Comunidade transitou estas case cinco décadas pola etapa de “maior estabilidade e progreso da súa historia. Democracia, autonomía e honestidade son o mellor ecosistema no que cultivar a prosperidade e a estabilidade institucional”, salientou.

Constitución

Neste sentido, remarcou que a España constitucional da que é parte Galicia “non pode admitir o máis mínimo intento de establecer discriminacións” ente cidadáns ou territorios. “A pesar de que con frecuencia tentan imponersenos a cambio de precarios respaldos parlamentarios”, apuntou.

Sobre os galardoados, o presidente autonómico puxo en valor as súas diferentes traxectorias, afirmando que constitúen unha “extraordinaria representación da Galicia” actual ao representar a un territorio “xeneroso, que cultiva a excelencia e desborda talento”.

Unha reivindicación do esforzo, a música, a ciencia e o talento

A primeira en recibir a Medalla Castelao foi Charo Barca, en representación da Fundación Andrea, entidade que leva 20 anos realizando o seu labor en apoio ás familias con nenos enfermos. A galardoada asegurou que recibir este recoñecemento é un “auténtico privilexio e unha gran responsabilidade” e dedicouno ás familias que loitan a diario por saír adiante.

A continuación, foi a quenda do trompetista Esteban Batallán, quen reivindicou a Comunidade como unha terra de músicos -na que o mesmo se formou- e a necesidade de “seguir coidando e apoiando” este talento. “Este é un recoñecemento a un sistema que funciona, o noso, dedícollo a todos os músicos de Galicia”, proclamou.

A terceira galardoada foi a física Mar Capeáns, que dirixe as operacións do CERN, o maior laboratorio de física de particular do mundo. Ao recoller a distinción, Capeáns quixo transmitir aos máis novos que “confíen no seu talento e non acepten os límites” e valorou a aposta pola ciencia no tecido industrial. De seguido, colocóuselle a medalla ao atleta viveirense Adrián Ben, quen recibiu o premio con “moito orgullo” e “honra”. “Aínda que só son un deportista levarei o nome de Galicia con dignidade a cada pista na que corra. Viva Galicia”, proclamou.

Finalmente, María Barallobre, propietaria de restaurantes ao redor de todo o mundo, recolleu o galardón, asegurando que é unha “moza de aldea” e que do mesmo xeito que Castelao gozaba escribindo, ela goza na cociña.