Pontón lembra aos "verdadeiros heroes" da crise do covid-19 e reivindica aos maiores e ao rural

No primeiro minuto da súa intervención no debate organizado pola CRTVG, e após intervir en cuarto lugar nesta primeira parte da contenda, Pontón empezou ás 619 persoas falecidas por coronavirus, "especialmente, despois dunha vida de duro esforzo, foron abandonadas o momento que máis necesitaba ás institucións".

Así mesmo, Pontón dixo que a crise sanitaria, á cal dedicou a súa primeira intervención, mostrou "as deficiencias" que hai no sistema cara aos maiores e desvelou "a necesidade de modificar un sistema de residencias" para que "non se faga negocio co dereito a unha vellez digna".

Ademais, esta crise sanitaria revelou, engadiu, que "a xente do rural encheu as neveiras da cidade" e reivindicou o traballo de "transportistas, caixeiras de supermercado, profesorado" e "o persoal sanitario", que estivo en primeira liña con "un gran sacrificio".

Pontón asegurou que non se deben "esquecer nunca" aos mortos e aos "verdadeiros heroes e heroínas desta crise".