Lecturas para non esquecer o legado

Galaxia é a editorial que, en vida, publicou a obra de Begoña Caamaño, que acaba de reeditar para conmemorar este ano das Letras Galegas. Asemade, a súa vida, a súa aportación literaria e a súa traxectoria xornalística é obxecto de análise noutros catro libros saídos do prelo desta editorial. “A súa obra segue a dialogar co presente desde a reescrita dos mitos, cunha mirada crítica, feminista e fondamente literaria”, afirman en Galaxia, onde recordan que no eido literario, Begoña Caamaño deixou dúas novelas fundamentais na cultura galega: “Circe ou o pracer do azul” e “Morgana en Esmelle”.

Circe e Penélope

Circe ou o pracer do azul

Primeira novela de Begoña Caamaño. Cando Penélope comeza a temer a morte do marido, recibe a carta dunha estraña. A partir de aí vaise tecendo unha relación epistolar entre as dúas; o home dunha e amante doutra é só un pretexto que vai unir para sempre o destino das dúas mulleres.

Prezo: 23,00 euros

Mito artúrico

Morgana en Esmelle

Son os remorsos e as culpas sentimentos que nos acompañan toda a vida? Con preguntas coma esta, a chegada de Morgana racha a aparente serenidade coa que Merlín vive na fraga de Esmelle.

Entre outras distincións, foi Premio da Crítica Española ao Mellor Libro de Narrativa 2012.

Prezo: 19,50 euros

A pegada da Begoña xornalista

Begoña Caamaño. Xornalismo para a cidadanía.

María Xosé Porteiro, desde a súa perspectiva de compañeira de profesión e amiga, fai un percorrido pola traxectoria profesional da autora viguesa e a súa pegada neste ámbito, onde conflúen xornalismo e literatura.

Precio: 25,7 euros

Pecorrido íntimo e vital pola autora

“Volveredes brindar por min”

A partir de arquivos persoais, conversas e lembranzas compartidas, álbums íntimos, rastros documentais dispersos e pegadas en soportes singulares, Ana Romaní e María Xesús Nogueira ofrécennos esta biografía da autora viguesa.

Precio: 15,40 euros

A súa faceta máis insubmisa

“O transgredir das ondas”

Nesta obra dramática, Paula Carballeira percorre a vida e obra de Begoña Caamaño a partir dun podcast titulado “O transgredir das ondas”, onde a xornalista Xoana Barreiro reconstrúe a faceta máis insubmisa e desobediente da autora viguesa.

Prezo: 12,80 euros