Falecen tres persoas nun choque entre un camión e un turismo en Arzúa (A Coruña)

O accidente produciuse no punto quilométrico 55 da estrada N-547, nas curvas de Boente, segundo explicaron as mesmas fontes, que indicaron que a alerta a deu o propio condutor do camión implicado no choque.

O alertante explicou que o turismo quedara encaixado baixo o camión e que había persoas atrapadas. Ao lugar desprazáronse un equipo de Bombeiros de Arzúa e así como unha ambulancia asistencial con persoal sanitario do centro de saúde da localidade.

Foi mobilizada unha ambulancia medicalizada, pero anulouse antes de que chegase ao lugar por indicación do médico desprazado, ao atopar que as tres persoas, das que non transcenderon datos, estaban xa falecidas.