Dous feridos graves e un leve na colisión de dous vehículos en Mondoñedo (Lugo)
Dúas persoas resultaron feridas de carácter grave e outra sofre feridas leves a consecuencia da colisión entre dous vehículos rexistrada este luns no termo municipal de Mondoñedo (Lugo), segundo informaron a Europa Press fontes da Garda Civil de Tráfico de Lugo.
En concreto, o sinistro produciuse pouco antes das 17.00 horas, no punto quilométrico 595,7 da estrada nacional 634, próxima á zona da Xesta, un tramo de curvas coñecido polo alto índice de accidentes que alí teñen lugar.
No sinistro víronse implicados dous vehículos que colisionaron, pero aínda se están intentado determinar as causas do accidente, segundo expuxeron as fontes de Tráfico consultadas.
Contenido patrocinado
También te puede interesar
