Directo | Gala de clausura do programa Escolas Abertas

A Gran Gala de Clausura do programa Escolas Abertas terá lugar hoxe, a partir das 20,00 horas, na Alameda de Ribadavia. Este evento contará coa actuación especial do grupo Fransy González y Davide Salvado, que traerá a súa enerxía e talento ao escenario, garantindo un espectáculo musical vibrante e emocionante.

A Gran Gala é unha cita onde os participantes dos obradoiros de baile tradicional galego, canto popular e pandeireta, gaita tradicional galega, percusión tradicional galega ou confección de traxe tradicional galego amosarán todo o aprendido durante estes cursos de especialización. Estes participantes, procedentes de diversas entidades galegas do exterior, traballaron arreo para perfeccionar as súas habilidades e promover a cultura galega nos seus países.

O Secretario Xeral da Emigración destacou a importancia destes obradoiros, que permiten ás e aos formadores do exterior adquirir coñecementos especializados para transmitir a riqueza da cultura galega.

A Gran Gala promete ser un peche de ouro para esta edición do programa, que logrou fortalecer os lazos culturais entre Galicia e as comunidades galegas no estranxeiro. A actuación de Fransy González y Davide Salvado será o punto culminante da noite, ofrecendo unh mestura de música tradicional galega con toques contemporáneos que farán vibrar a todos os asistentes. A súa presenza nesta Gran Gala é unha oportunidade única para gozar dun dos mellores grupos musicais do panorama galego actual.

A Gran Gala de Clausura en Ribadavia será unha celebración da música, da danza e das tradicións galegas, demostrando unha vez máis que a cultura galega se promove e se transmite de xeración en xeración, incluso máis aló das fronteiras galegas. Este evento ofrece a oportunidade de gozar da rica cultura galega que se espallará por todo o mundo, grazas a este programa.