Minas e Enerxía busca improvisadores orais

n n n A Escola de Enxeñaría de Minas e Enerxía e a súa Delegación de alumnado busca persoas dispostas a demostrar o seu potencial como oradoras na segunda edición do concurso de improvisación oral Eme-Pakuxa, unha iniciativa que lanzaron por primeira vez o curso pasado. O obxectivo é axudar a mellorar a técnica das exposicións orais da comunidade universitaria. Na primeira edición participaron estudantes non só do centro organizador, senón tamén de Teleco, de Bioloxía e de Ciencias do Mar, facultade de Andrea Noche, gañadora da primeira edición.

A cita será o vindeiro 1 de abril no vestíbulo da Escola de Enxeñaría de Minas e Enerxía das 14.00 ás 15.00 horas e nela cada participante terá que amosar, diante dun xurado constituído por dous docentes da escola e dous estudantes, a súa capacidade de improvisación disertando durante 20 segundos sobre cada unha das 16 diapositivas que lles propoña a organización, tentando facelo de xeito coherente e orixinal.n