A Xunta reclama 'sentido común' nas ofertas para Mitsubishi

O conselleiro de Economía e Industria, Javier Guerra, pediu 'sentido común' ante os ofrecementos realizados a Mitsubishi polos municipios de Narón, Vilanova de Arousa e Pontevedra para instalar a súa planta de baterías de litio se falla a opción de situarse na plataforma de Salvaterra.

Guerra reclamou a axuda de 'todos' para evitar dar unha imaxe de 'descoordinación' e precisou que deste tema falará unicamente cos investidores xaponeses 'para conseguir que Galicia teña esta alternativa', engadiu. Por iso, pediu 'temperanza' e que se sopesen 'as accións de cada un' co fin de lograr que finalmente esta planta vinga para Galicia 'o que sería bo para todos, independentemente do concello onde estea situada', remarcou.

Guerra insistiu tamén en que a Administración autonómica formulou aos investidores todas as solucións e alternativas 'posibles' para que se sitúe na comunidade autónoma, aínda que recoñeceu que a situación da planta 'necesita unhas determinadas condicións'.

Contenido patrocinado