Roberto Tojeiro será enterrado hoxe no cemiterio de A Coruña

Roberto Tojeiro Díaz, empresario fundador do grupo Gadisa, será enterrado hoxe no cemiterio parroquial de Santa María de Oleiros, segundo informou a empresa que presidía. A capela ardente de Tojeiro Díaz, que faleceu o martes, instalouse no tanatorio de Servisa, en A Coruña, e a cerimonia de enterramento será ás 16.00 horas de hoxe. Posteriormente, ás 20.30 horas, a igrexa de Los Salesianos da cidade herculina acollerá o seu funeral.

A familia do empresario, así como os colaboradores das empresas que integran o Grupo Gadisa, manifestaron o seu agradecemento polas 'numerosas mostras de afecto e as condolencias' recibidas por parte de amigos e representantes do mundo empresarial, político e social. Ademais, agradeceron tamén aos medios de comunicación o recoñecemento á figura de Tojeiro Díaz que transmiten á sociedade.O seu fillo Roberto Tojeiro Rodríguez, que é o vicepresidente executivo de Gadisa, asume agora as rendas dos negocios nos que participa a familia.

PESAR COLECTIVO

Despois de coñecerse a noticia do falecemento do empresario coruñés, sucedéronse as mostras de pesar. O conselleiro de industria, Javier Guerra, afirmou que se trataba dunha 'gran perda para Galicia', pois era 'un exemplo a seguir'. O secretario xeral do PSdeG, Manuel Vázquez, salientou de Tojeiro 'o seu compromiso co país', capaz de construir un imperio económico a partir do esforzo propio. 'Foi un home feito a sí mesmo', engadiu o líder socialista. Pola sua banda o concello de As Pontes, onde naceu o empresario desaparecido, decretou para hoxe xornada de luto oficial.

Roberto Tojeiro Díaz morreu na tarde do martes en A Coruña.

Contenido patrocinado