Economía difunde unha 'Guía de Aforro da Enerxía'

Esta publicación recolle o traballo da Xunta na potenciación do uso das enerxías renovables en todos os sectores económicos, fomentando condutas máis eficientes dende o punto de vista dos consumidores galegos.

Para isto, o manual ofrece consellos e pautas sinxelas que estudan as posibilidades de aforro e eficiencia en distintos campos como consumo doméstico, transporte, fogar, comunidades de propietarios ou traballo. A facturación enerxética, as enerxías renovables ou as posibilidades das vivendas eficientes son outros dos temas que tratan.