O ouro non será unha sorpresa

A carreira son dos circuítos distintos. O primeiro ten un tramo de pavé de dous quilómetros, que dificulta bastante porque estírase moito o pelotón e, ó rematar o tramo, súbese un porto de 1.500 metros con rampas xeitosas e baixada técnica. Despois ten outra subida, pero xa en estrada ampla, que non debería causar problemas.

No segundo circuíto ten un porto duro, con rampas considerables e longo. Outra dificultade que pode ter é o vento porque nos dous trazados pásase pola praia e alí dá moitas veces o aire lateral. Unha similitude con Galicia sería a zona da Lanzada, con vento forte, mar aberto e chan.

O percorrido vaise a facer moi duro. Xa o é o primeiro e, sobre todo, o segundo. Por este motivo, dudo moito que poida darse unha gran sorpresa. O gañador será un ciclista de moito nivel. Pode ser un primeira liña ou un segunda, pero non haberá unha gran novidade.

O porto neste treito é duro, moito. Ten varios quilómetros constantes por enriba do 10% de desnivel e vai a facer moito dano. Incluso a súa baixada é técnica, polo que os corredores teñen que descender ben.

Grupo ou gañador individual

Pode ser que chegue un ciclista en solitario. Tería que marcharse no último porto, baixar ben e quedaría con dez quilómetros de chan ata a meta. Por detrás, non haberá un grupo grande e será complicado que se poñan dacordo. É a dúbida. Non é fácil, pero podería ser. Aínda así, o máis probable é que un grupo moi reducido chegue ó último tramo chá e que alí decídanse as medallas porque non haberá compañeiros para controlar.

Neste punto, a selección española ten unha vantaxe porque conta con dous moi bos corredores como "Purito" Rodríguez e Valverde. Se se entenden entre os dous, poden dividirse para saltar un a un e outro ós outros. Nibali, o propio Valverde e Froome son os claros favoritos.

A importancia das tácticas

Será unha carreira moi complicada de controlar porque as seleccións que máis corredores ten o seu número é cinco. Manter o control é unha lotaría. Teñen que estar moi atentos. Nun Mundial, unha selección como España ou Italia, máis ou menos controla porque leva moitos ciclistas, aquí con soamente cinco é complicado.

En resumo, creo que vai a ser unha carreira bonita porque o percorrido é duro e non será como no Tour de Francia no que un equipo como o Sky pode controlar. Aquí haberá máis alternativas e máis ataques. Pero, insisto, o gañador non creo que sexa un home sorpresa porque é duro. Ten que ser alguén moi bo.n