Yago Yao estréase no banco do Cultural Areas ante o Vilalonga

nnn O exxogador do Celta Yago Yago debuta esta tarde como adestrador do Cultural Areas nun enfrontamento ante o Vilalonga (16:45, A Lomba), un rival directo por evitar o descenso a Preferente Sur.

Tras a derrota da semana pasada ante o Negreira, o presidente da entidade Mingos Freitas optou por un relevo no banco. Deixou o equipo o luso Carlos Machado, que asinou o ascenso o pasado curso, e entra un Yago Yao que o curso anterior exerceu de segundo adestrador do Coruxo.

Deste xeito, a formación de Ponteareas busca trocar o rumbo dun equipo que marcha na última posición con 11 puntos a tres do Vilalonga, que marca a zona de permanencia. Samu e Adilson son as baixas da formación de Ponteareas para este encontro.

O Choco perde potencial

O Choco, situado na sétima posición a un punto da promoción de ascenso, visita ó Barbadás (16:15) cun extenso parte de baixas. Marcos Montes perde o mediocentro Comis, o futbolista máis importante na construcción do equipo, e ó dianteiro Antón Escobar. Rubén Comesaña e Iago Paz tampouco xogarán o encontro.

Dura saída para o Alondras

O Alondras viaxa esta tarde ata Vilagarcía para xogar ante un Arosa (17:00) que marcha na décima praza, pero que aspira a loitar polas posicións de promoción de ascenso. O equipo cangués é oitavo con tres puntos máis que o seu rival.n