A volta perfecta de El Olivo

O equipo dirixido por Juan Carlos García 'Charlie' derrotou o conxunto do Bierzo nun encontro disputado sobre un terreo de xogo en malas condicións debido á choiva e no que domiñou o encontro de xeito claro ata os últimos vinte minutos.

Sara Tui en dúas ocasións e Nati deron unha vantaxe de tres goles ás viguesas en pouco máis de media hora e a xogadora local Lucía recortou distancias antes do tempo de lecer.

No terceiro minuto do segundo acto, Lombi anotou o cuarto tanto que parecía sentenciar o enfrontamento e, minutos máis tarde, ante a peligrosidade do céspede, Charlie decidiu dar descanso á propia Lombi e a Nati.

O equipo caeu na relaxación e encaixou dous tantos que puxeron picante o partido. O accidente non pasou a maiores.

Ponferrada:

Eda, Patricia, Jeni, Lucía (Sara, min. 67), Patri, Lorena, Natalia, Luci, Elía (Cristina, min. 55), Feli (Paula, min. 46), Veronica.

El Olivo:

Sheila, Carla Otero, Vicky, Alba, Catu, Sara Tui, Pauleta, Nati (Álex Pichel, min. 65), Loreto (Carol, min. 67), Lombi (Ceci, min. 65), Carla González.

Goles:

0-1, min. 18: Sara Tui; 0-2, min. 28: Nati; 0-3, min. 36: Sara Tui; 1-3, min. 41: Lucía; 1-4, min. 48: Lombi; 2-4, min. 77: Lorena; 3-4, min. 81: Patricia.

Árbitro:

Fernández Durán. Mostrou cartón amarelo a Alba, do El Olivo.