Virxe da Guía tira proveito do vento para gañar en Mugardos

Vitoria de Virxe da Guía contra todo prognóstico tras aproveitar un deses trocos inesperados do vento no mediodía galego. A traiñeira viguesa, que este ano regresaba á competición tras moitos anos, sumou a primeira vitoria na Liga Galega, no seu caso, na segunda categoría.

"A Punta" gañou a primeira quenda da xornada en Mugardos como no día anterior, pero tras cruzar a liña da chegada comezou a moverse o aire na Ría de Ferrol. Aínda así, a tripulación viguesa marchou cara rampa para desembarcar e foi alí cando recibiron a chamada do delegado para indicarlle que non era momento de recoller porque os tempos de Mera eran parellos.

Na segunda metade da quenda de honra confirmouse a sopresa porque o líder invicto aínda perdeu máis tempo ó aumentar a forza do vento. Virxe da Guía levou a bandeira para Teis por catro segundos. Mera foi segunda e Vila de Cangas, que tamén vogou na primeira quenda, rematou na terceira praza.n