A viguesa Beatriz Queiró logra unha prata no Mundial de Poomsea en Corea do Sur

Beatriz Queiró, do Omnihum redondelán e formando parella co catalán José Manuel Marín, proclamouse onte subcampioa do mundo na categoría de parellas de máis de 60 anos no Campionato do Mundo de poomsae na localidade coreana de Chuncheon. A viguesa volveu demostrar que está entre as mellores especialistas mundiais da súa categoría.

A parella galego-catalá iniciou a competición cunha vitoria ante Gran Bretaña e continuou o seu camiño superando posteriormente a Rusia e Austria, resultados que lle permitiron alcanzar a final. Na loita polo título mundial, Beatriz Queiró e José Manuel Marín Fernández enfrontáronse a Alemaña, ante a que finalmente lograron a medalla de prata. Ambos viñan de ser bronce na cita mundial anterior, hai dous anos en Hong Kong.