Victoria para Chapela no Campionato Galego de Meira

As augas do porto de Meira acolleron onte, nun día solleiro e con algo de vento que movía o mar, o Campionato Galego de Traiñeriñas que deixa no medalleiro xeral a Chapela como clube vencedor con dous ouros, unha prata e un bronce na xornada de onte.

Os beretes partían como favoritos despois dunha tempada moi regular e acadaron o triunfo na categoría masculina absoluta e na xuvenil femenina. Ademáis, acadaron o segundo posto na proba absoluta de mulleres, por detrás da S.D. Tirán, que se alzou coa victoria con 10 segundos de vantaxe.

O clube moañés sumou, ademáis, outra prata, en categoría xuvenil masculina, quedando así en terceiro posto na clasificación por clubes.

A xornada deixou, tamén, un segundo posto para a embarcación cadete femenina do clube anfitrión, o Samertolameu de Meira, e o bronce dos máis novos de Chapela, a traiñeriña cadete masculina.