Vento na popa de Ares

Ares gañou de novo. É unha vitoria máis, pero non é unha calquera. Chegou no campo de regatas de regatas de Bueu e nunhas circunstancias que non eran favorables para a embarcación de Ferrolterra polo tempo e o carreiro, pero a líder da Liga Galega foi primeira cunha primeira posición coa que comeza a pechar o título do certame autonómico. A renda sobre Bueu na clasificación xeral é de sete puntos, que non tiña por que ser definitiva, pero o arrecendo e a evolucion indican que o título comeza a estar moi claro. Demasiado, por aquilo de manter a emoción.

En Bueu, a xornada comezou coa embarcación de Chapela abrindo a regata dende a primeira quenda tras a eliminación do día anterior e con previsión do vento de que ía aumentar ó longo da tarde. Por moitos momentos semellaba que este aspecto ía favorecer ós ‘beretes’, pero todo trocou no último longo da quenda definitiva. Máis dunha hora despois da actuación da “Arealonga”.

O barco de Juan Zunzunegui comezou a proba cunha salida falsa ó adiantarse, o que conlevou unha sanción de cinco segundos. Despois mandou con claridade por diante de Rianxo e Cesantes, con Puebla perdendo moito tempo dende o inicio. E, tamén, coa velocidade do vento aumentado pouco a pouco para o que debería favorecer ó barco de Redondela.

Así sucedeu no referente ás embarcacións da segunda quenda, pero non foi tal na terceira. Na teoría, Bueu, polo primeiro rego e pegadiña á terra, tiña unha clara renda, pero resulta que o vento foi, pouco a pouco, virando para gañar compoñente oeste e eliminar a vantaxe de ir polo carreiro de terra. Notouse especialmente no último rego contra o vento. Xa con renda dende o primeiro longo, tiña unha ameaza dende Chapela porque o vento era maior, pero finalmente non se notou esta circunstancia por eses cambios na dirección do aire.

Nese treito definitivo, Ares marchou cara a vitoria de xeito irremediable e tras unha regata solvente, gañada metro a metro e xestionada de xeito perfecto para chegar cun punto de forza ó treito definitivo. Polo exterior do campo de regatas, Castropol aproveitou a súa participación na quenda de honra para asinar unha boa e sorprendente segunda posición por diante de Bueu, que tentou loitar con Ares, pasouse de ritmo e bateu contra o vento nos rego definitivo, e Tirán Pereira. A “Mar do Con” non consegue dar o paso adiente que se espera e está un pouco máis lonxe da segunda posición da táboa clasificatoria. E, o que parece máis preocupante, no mar tamén parece ceder distancia regata a regata.

Ares foi o primeiro gañador da xornada, Castropol o segundo e, probablemente, Cesantes o terceiro. A súa loita é diferente, consiste en afastarse o máximo posible da zona baixa e asinou unha meritoria oitava praza que lle permite ser décima na xeral e elevar a 16 os puntos de renda sobre Puebla, que xunto a Samertolameu B, forma o dúo de barcos que loitarán por manter a categoría na promoción da Liga Galega de Traiñeiras.

Nesa clasificación xeral, a eliminación de Chapela do sábado xunto ó quinto posto de onte, envia a “Arealonga” ata a quinta praza da xeral. Baixa a quenda intermedia nun fin de semana horrible e antes do Campionato Galego de mañá. Alí buscará recuperar o seu mellor nivel.