O Torneo Concello de Vigo busca o partido máis longo

O XII Torneo de Pádel Concello de Vigo contará cun desafío moi especial. A partir das 00:05 horas da próxima madrugada comezará en Máis que Auga Barreiro o intento de superar o récord do mundo do partido de pádel máis longo da historia, establecido en 40 horas de xogo. O obxectivo será alcanzar as 41 horas, o que levaría o final do encontro ata aproximadamente as 20:30 horas do sábado.

Ademais do reto deportivo, a iniciativa conta cunha vertente solidaria e por cada dous minutos de partido doarase un euro para a Asociación Española Contra o Cancro. Deste xeito, e completarse o desafío, a recadación superará os 1.200 euros.

Os xogadores serán Brais Rey, Martín Domínguez, Jorge Bigotes e Pablo Santos. Farán quendas de doce horas, cos descansos habituais no pádel -90 segundos cada dous xogos e 120 tras cada set-. E ó completar cada bloque, disporán dunha hora de descanso.