Terceira vitoria do Porriño na Sangriña, o triunfo por maior distancia de goles

A vitoria do Conservas Orbe Zendal Porriño de onte ante o Guardés por 18-27 foi o terceiro triunfo en División de Honra do equipo louriñés na casa do seu inimigo íntimo. De longo, foi o marcador a favor máis amplo ó seu favor en todos os enfrontamentos directos, tanto os xogados na Sangriña como no Municipal porriñés. O equipo ‘vermello’ xa gañou no curso 23/24 por 29-30 nun encontro correspondente ós cuartos de final do ‘play-off’ polo título. A anterior vitoria no pavillón da Guarda foi no primeiro ano no que os dous equipos coincidiron en División de Honra. Chegou no curso 2012/13, cun marcador de 22-25.

No referente á diferenza tamén foi de plusmarca porque a máxima vitoria das louriñesas sobre as miñotas estaba nos catro tantos. Pola súa banda, o conxunto da Guarda ten vitorias de 14, 11 e 10 tantos. No Porriño á máxima renda tamén foi de nove (20-29), o 29 de decembro de 2018.