Obstáculos para os patíns

Patinaxe | Roller Cross

Os clubs de Ourense levaron o mando no Campionato Galego de roller cross celebrado no pavillón do Berbés, con medio cento de participantes que superaron as diferentes probas

Un grupo de rapaces pasa unha zona de conos, que sempre leva especiais dificultades cos trocos de dirección. | JV Landín

O pavillón do Berbés acolleu onte o Campionato Galego de roller cross, unha modalidade de patinaxe de técnica na que os participantes teñen que facer un percorrido cheo de dificultades e obstáculos. Os deportistas do Meigas Rodas ourensán e do Roller Ourense amosaron ter un punto de habilidade superior ó resto e acapararon a maior parte dos títulos do evento.

O palmarés estivo formado por César Férnandez (Unity Blading), en sénior masculino; Lea González (Meigas), en sub-19; Carla Fernández (Meigas), en infantil; Yael Sandianes (Unity) e Aroa Campos (Ourense), en alevíns; Ainara Vidal (Ourense), en benxamín; e Sara López (Ourense), en mini feminino. En total, medio cento de patinadores afrontaron o evento baixo a organización do FSV Vigo.

Precisamente, a entidade local apañou algunha que outra medalla. Os alevíns Sabela Amil e Alexi Ilie foron bronce en alevíns, mentres que a sub-19 Uxía Ramallo acadou a prata. Todo nun día de moita diversión e un fermoso espectáculo deportivo e de notable habilidade.

Contenido patrocinado