Mugardos marisquea un trapo

Mugardos acadou a bandeira perseguida durante toda a tempada. A tripulación da comarca de Ferrolterra, que partía como unha das favoritas ó título, estivo lonxe durante a tempada dun Amegrove intocable pero onte logrou levantar a primeira bandeira do ano na Bandeira Parquistas de Carril.

Nunha proba desputada diante das praias con maior tradición marisqueira de Galicia, a organización tivo que cambiar a regata tras padecer problemas cos regos. Finalmente, optouse por facer un triángulo e as traiñeiras tiñan que desputar unha contrarreloxo nunha tarde de choiva débil e mar en calma. Nestas condicións, Mugardos sorprendeu a unha tripulación de Amegrove que ten un ollo posto no final de tempada e na desputa do "play-off" de ascenso á Liga ACT San Miguel.

A tripulación coruñesa estableceu o mellor tempo na primeira ceavoga, pero na segunda foi Ares a que metía a súa proa na cabeza da regata. Neste punto, transitaban tres traiñeiras no mesmo segundo polo que a proba estaba a ser a de maior igualdade en todo o curso dentro da primeira categoría da competición autonómica.

Na metade da regata, Mugardos regresou ó primeiro posto con Ares a dous segundos e Amegrove a catro. As posicións parecían consolidarse pero aínda quedaban moitos metros por recorrer. O líder da competición parecía ceder de forma definitiva na cuarta referencia de paso, pero nese intre acelerou o ritmo para situarse a un segundo de Ares antes do esforzo final. Os grovenses recuperaron un posto, pero pasaron cun retraso de tres segundos sobre Mugardos pola baliza de chegada.

Primeira vitoria do ano para a traiñeira de Ferroltera mentres que a viguesa de Coruxo viviu un novo capítulo na súa loita con Puebla pola cuarta posición na regata e na clasificación xeral da Liga Galega A.

Como noutras xornadas na competición autonómica, a "Fontaíña" perdeu esta loita particular por unha marxe escasa, neste caso de dous segundos, e a diferenza entre as dúas tripulacións e de catro puntos.

A Liga Galega A descansa ata a vindeira semana, coas probas de Bueu e Ares, que pecharán a tempada na competición doméstica. Na primeira cita, Amegrove podería certificar o título.n