Mos premia a Ferrón, Sande, Martínez e Lago na súa gala

O Concello de Mos celebrou o pasado venres a súa Festa do Deporte 2025, un acto no que homenaxeouse a máis de 40 deportistas individuais e recoñeceuse o traballo de máis de 40 clubs deportivos, representando a unha comunidade que supera as 3.000 persoas practicando deporte no municipio. Como principal novidade desta edición, o Concello distinguiu aos catro deportistas mosenses máis destacados: Juan Ferrón (natación adaptada), Patricia Martínez (baile deportivo), Martina Sande (tenis de mesa en cadeira de rodas) e Ismael Lago (atletismo e dúatlon).

Ferrón, vigués do Club Natación Mos paralímpico en París, foi subcampión do mundo no relevo 4x100 estilos mixto no Mundial de Singapur 2025. E no Campionato de España Absoluto por Comunidades Autónomas, celebrado en Oviedo, foi primeiro en 50 e 100 metros mariposa batindo o récord de España en ámbalas dúas.